Ինչպե՞ս հարմարվել Հայաստանում. ինչի՞ սպասել և ինչպե՞ս հաղթահարել դժվարությունները

Յուրաքանչյուր ներգաղթյալ գոնե մեկ անգամ բախվել է «մշակութային շոկ» հասկացությանը։ Սա նոր երևույթը չէ և ուսումնասիրվում է արդեն երկար տարիներ։ Համառոտ այն կարելի է բնութագրել որպես նոր մշակույթի հետ առնչվելու տհաճ փորձ, շփոթվածություն՝ որոշակի իրավիճակներին արձագանքելու հարցում: Ամենավատն այն է, որ հաճախ սա ոչ թե մեկանգամյա երևույթ է, այլ երկարատև վիճակ՝ լի տագնապալի զգացմունքներով․

• հայրենիքի նկատմամբ կարոտ, կորստի զգացում
• հոռետեսություն, ապատիա, վախեր
• նյարդայնություն, զայրույթ, ագրեսիա
• ինքնաճանաչման խնդիրներ
• դեպրեսիա։

Այս հոդվածում մենք կխոսենք այն մասին, թե ինչը կարող է մշակութային շոկ առաջացնել և ինչպես արագ հարմարվել նոր երկրին:

Բովանդակություն

1. Ի՞նչը կարող է մշակութային շոկ առաջացնել Հայաստանում
2. Ինչպե՞ս հարմարվել նոր երկրին
3. Ինչպե՞ս արագացնել ներգաղթյալի հարմարվողականությունը Հայաստանում

Ի՞նչը կարող է մշակութային շոկ առաջացնել Հայաստանում

Ռուսաստանի և Հայաստանի պատմությունները խաչվել են դարեր շարունակ։ Որոշակի տարաձայնություններով հանդերձ՝ երկրները, այնուամենայնիվ, մեծամասամբ խաղաղ ու բարիդրացիական հարաբերություններ են ունեցել: Մշակութային փոխանակումը երկրների միջև վաղուց է սկսվել, բայց իր գագաթնակետին է հասել Խորհրդային Միության տարիներին, երբ հանրապետությունից հանրապետություն մարդկանց ազատ ելումուտը էլ ավելի մոտեցրեց մշակույթները։

Միանման շենքերը, ընդհանուր արժեքները, ռուսաց լեզվի ուսուցումը դպրոցներում միավորել են մարդկանց շուրջ 70 տարի։ Այդ իսկ պատճառով 2023 թվականին ռուսաստանցու համար Հայաստան տեղափոխվելը ամենաքիչ սթրեսային որոշումներից էր։

Այնուամենայնիվ, որոշ բաներ կարող են մշակութային շոկ առաջացնել: Հատկապես այն մարդկանց մոտ, ովքեր փոքր Հայաստան են գալիս մեծ քաղաքներից։

• Աղբ, աղբավայրեր

Հայաստանը աներևակայելի գեղեցիկ երկիր է՝ հիասքանչ բնությամբ ու գեղեցիկ տեսարաններով։ Սակայն աղբը կարող է փչացնել այս տպավորությունը։ Քաղաքի կենտրոնում այն նկատելի չէ, բայց գլխավոր փողոցներից ընդամենը մի քանի քայլ հեռավորության վրա դուք անպայման կնկատեք այն։ Բնակիչները խնջույքներ են կազմակերպում և, ցավոք, ձմերուկի կեղևներ, պլաստմասե սպասք, շշեր թողնում իրենց հետևից...

Չնայած, լավ նորություն էլ կա․ երևանցիները, այդ թվում՝ ներգաղթյալները, պարբերաբար շաբաթօրյակներ են կազմակերպում, ինչպես, օրինակ՝ Green Green-ի կամավորները։Դուք նույնպես կարող եք միանալ բնապահպան ակտիվիստների համայնքին։ Թափոնների առանձին հավաքման մասին տեղեկատվություն կարելի է գտնել մեր կայքում՝ FAQ բաժնում։;

Լուսանկարը՝ Armenia.im

• Անձնական սահմանների խախտում

Հայաստանը փոքր երկիր է, մարդիկ շփվող են, և յուրաքանչյուրն իր կարծիքն ունի ցանկացած հարցում։ Դուք հաստատ հանդիպել եք տաքսու վարորդների, վաճառողների և մատուցողների, ովքեր ձեզ հետ կիսվել են քաղաքական, քաղաքացիական և ընտանեկան հարցերի շուրջ իրենց կարծիքով: Վիճելն անիմաստ է, դժվար թե կարողանաք փոխել նրանց կարծիքը։ Բայց սա հնարավորություն է դուրս գալ ձեր պատյանից և դառնալ ավելի բաց, ավելի շփվող։

Կիսվեմ մի իրական պատմությամբ։ Երևանում վարձակալած բնակարանում ապրելու առաջին օրերից մի օր ես արթնացա առավոտյան ժամը վեցին՝ դռան համառ թակոցից։ Բացեցի և տեսա շեմքին կանգնած մի ալեհեր պապիկի՝ հաստ ձեռնափայտով, դանակը ձեռքին։ Չնայած նրան, որ լեռնաբնակը մինչև ատամները զինված էր, նա վտանգավոր տեսք չուներ։ Տարեց մարդը ժպտաց ու հայերեն ինչ-որ բան ասաց։ Իմ համեստ փորձերը՝ բացատրելու, որ զրուցակցիս չեմ հասկանում, ապարդյուն էին. պապիկը գրեթե խուլ էր, իսկ ես պատրաստ չէի առավոտյան ժամը վեցին կիսաքուն՝ գոռալ։ Մեկ րոպե անց իմ չռած աչքերից զրուցակիցս հասկացավ, որ ես հայերեն չեմ հասկանում և ռուսերեն ասաց. «Բարի լույս: Բարի գալուստ»: Այնուհետև շրջվեց և հանգիստ գնաց իր գործերով: Թերևս շենքի մյուս բնակիչներին «բարի լույս» մաղթելու: Նման երկխոսությունից հետո ես այլևս չկարողացա քնել։

Լուսանկարը՝ Russiangiant.ru

• Դեռ զարգացող սպասարկման ոլորտ

Հայաստանում սննդի առաքմանը 2,5 ժամ սպասելը նորմալ է։ Տաքսու վարորդի՝ փողոցն անցնելու համառ խնդրանքը նորմալ է։ Ջրի, էլեկտրաէներգիայի, բջջային կապի պարբերաբար անջատումները տեղական կյանքի նորմա են։ Այսպիսով, մենք կամ խոնարհաբար վարժվում ենք դրանց, կամ բացում ենք մեր սեփական բիզնեսը։ Շատերն, իդեպ, հենց այդպես էլ վարվում են։ Ձեռներեց մարդկանց համար Հայաստանում բազմաթիվ ազատ ոլորտներ կան։

Պատկեր՝ Mvremya.ru

• Երեխաները թագավորներ են

Հայերի սերը երեխաների հանդեպ աննկարագրելի է։ Եթե դուք տեղափոխվել եք երեխաների հետ, ապա սա ձեզ համար առավելություն է․ խանութներում անվճար քաղցվենիքն ապահովված է։ Չնայած ոչ բոլոր ծնողներն են ուրախ, երբ անծանոթ մարդիկ դիպչում են իրենց երեխաներին, սա բողոքելու առիթ չէ. ձեր երեխային, միևնույնն է, փողոցներում քնքշորեն կվերաբերվեն: Իսկ եթե ուրիշի երեխան ցատկոտում է ջրափոսում կամ լողում շատրվանում, պետք է վարժվել պարզապես անցնել կողքով և ոչ մեկին կյանք չսովորեցնել: Երեխաներին Հայաստանում կարելի է ամեն ինչ։

Լուսանկարը՝ Armeniasputnik.am

• Համեստ բնակարանների թանկ գները

Վերաբնակիչների գալով՝ խրուշչովյան ժամանակաշրջանի շենքում մեկ սենյականոց բնակարանի համար մոտ 90 հազար ռուբլի վճարելը նորմալ է դարձել, բայց, միևնույնն է, տհաճ է։ Կան տանտերեր, որոնք կարող են նույնիսկ չմաքրել բնակարանը, ձեր տեղափոխվելուց առաջ: Անկոչ հյուրերը՝ սարդերի և հարյուրոտանիների տեսքով, կարող են ևս ներառված լինել վարձավճարի մեջ: Ոչ բոլոր բնակարաններն են հագեցած տաքացուցիչներով, իսկ կենտրոնական ջեռուցումը հազվադեպ երևույթ է, թեև աշնանը և ձմռանը կարող է բավականին ցուրտ լինել:

Ի՞նչ անել։ Դարձե՛ք ՏՏ մասնագետ կամ ևս մի աշխատանք գտեք։ Ինչպես նաև հիշեք ճապոնացիների խորհուրդն այն մասին, որ տաքացուցիչների չոր օդը վնասակար է մաշկի համար։ Այնպես որ, գնում ենք տաք գիշերազգեստներ և ուրախանում ենք բնակարանի թարմ օդով։

Լուսանկարը՝ Yandex.ru

Բացի վերը նշվածից, ներգաղթյալները նույնիսկ մայրաքաղաքում պետք է ընտելանան ավելի հանգիստ ապրելակերպին. նրան, որ 15 րոպե ուշացումը ուշացում չի համարվում, և որ բոլորն իրար ճանաչում են։ Հաճելիորեն զարմացնում է, որ նույնիսկ հանգստյան օրերին փողոցներում հարբած մարդիկ չկան, իսկ անօթևան մարդիկ չափազանց քիչ են։ Այս ցանկը կարելի է երկար շարունակել։

Լուսանկարը՝ arcpublishing.com

Իհարկե, ոմանք ավելի հեշտությամբ կհաղթահարեն նոր հանգամանքները, իսկ ոմանք կբախվեն մշակութային շոկի։ Տեղեկատվական և բարոյական պատրաստվածության, ինչպես նաև փոփոխություններին պատրաստակամ լինելու շնորհիվ դուք կարող եք հաղթահարել այն և սովորել օտար մշակույթին։

Մի՛ մոռացեք, որ մշակութային շոկը նոր պայմաններին հարմարվելու բնական գործընթաց է, որը կօգնի ձեզ ավելի բաց և հասկացող դառնալ։

Տեսանյութ. @oh_baby_its_uk

Ինչպե՞ս հարմարվել նոր երկրին

Հարմարվողականությունը (ադապտացիա) միջավայրի հանկարծակի փոփոխությունից հետո առաջին և հիմնական փուլն է, երբ մարդը սկսում է հարմարվել նոր իրավիճակին։ Այս ճանապարհն անցնելու արագությունը կախված է ներքին ճկունությունից և սովորելու պատրաստակամությունից: Եվ պետք է սովորել բառացիորեն ամեն ինչ. նույնիսկ պարզ գործողությունները կարող են վերածվել բարդ խնդիրների, որոնք ավելի շատ ժամանակ, զգացմունքային և ինտելեկտուալ լարում կպահանջեն։

Օքսանա Կորզունի «Ինչպե՞ս տեղափոխվել այլ երկիր և չմեռնել կարոտից» գիրքը նկարագրում է հարմարվողականության գործընթացի չորս փուլ.

1. Զբոսաշրջիկ․ մարդն ուրախություն է զգում, ամեն նոր բան դոֆամին է առաջացնում։
2. Հիասթափություն․ սկսվում են խնդիրներն ու բարդությունները, բացասական զգացմունքները, ապատիան:
3. Վերականգնում․ խնդիրների լուծում, եզրակացություններ, լույս՝ թունելի վերջում:
4. Երկմշակութայնությունը․ նոր հասարակության մաս լինելու լիարժեք զգացում։

Դուք պետք է հասկանաք, որ չեք կարողանա միանգամից անցնել վերջին փուլին, բայց կարող եք կրճատել դրանցից յուրաքանչյուրի վրա ծախսած ժամանակը:

Լուսանկարը՝ Կովալև Ռոդիոն

Ինչպե՞ս արագացնել ներգաղթյալի հարմարվողականությունը Հայաստանում

• Որոշեք ներգաղթի պատճառը

Տեղափոխվելուց առաջ ձևակերպեք, թե ինչու եք ուզում ապրել Հայաստանում, ինչն է ձեզ գրավում այս երկրում։ Գրի առեք և կարդացեք ապատիայի պահերին։

• Տեղացիների հետ շփման եզրեր գտեք

Ընկերացեք, հանդիպեք հարևաններին, մասնակցեք դասընթացների կամ վարպետության դասերի: Մի խոսքով, շփվեք։ Այս թեմայի շուրջ մի հոդված ունենք, որում հավաքել ենք ավելի քան 140 օգտակար ալիք ։

•  Եղեք նախաձեռնող

Ամեն գնով ինտեգրվեք նոր երկրին: Անընդհատ շարժման մեջ լինելն ամենից շատն է օգնում: Որպեսզի հասկանաք, թե ինչից սկսել, այցելեք մեր FAQ բաժին;

• Դրականորեն տրամադրվեք

Ապրեք ապագա իրադարձությունների և արկածների ակնկալիքով: Հիշեք՝ բոլորն են անցնում հարմարվողականության բարդ գործընթացը։ Մի ընկեք մելամաղձության գիրկը և մասնակցեք մշակութային միջոցառումների, որոնք այստեղ շատ են: Երեւանը աստղերի համար հայտնի ուղղություն է։ Օրինակ, Mumiy Troll-ը և Basta-ն արդեն ելույթներ են ունեցել այստեղ։ Համերգներ է ունեցել նաև Վալերի Մելաձեն։

Միջոցառումների մասին հայտարարությունները կարող եք գտնել մեր բլոգում, Telegram կամ հավելվածում ։ Երեկույթների ժամանակացույցի և տոմսերի համար կարող եք այցելել նաը հետևյալ կայքերը՝ www.tkt.am և www.tomsarkgh.am.

Իսկ այս հարթակներում մշակութային կյանքը չի դադարում ամբողջ տարվա ընթացքում.

1. Letters and Numbers.
2. Dom Yerevan.
3. Common Ground Books & Spirits.
4. Triglinki;

• Ուսումնասիրեք Հայաստանի պատմությունը

Սա ոչ միայն կընդլայնի ձեր մտահորիզոնը և նոր նյարդային կապեր կստեղծի, այլ նաև կստիպի ձեզ ավելի հաճախ դուրս գալ տնից: Օրինակ՝ այցելել թանգարաններ։ Եթե չգիտեք, թե որտեղ են դրանք և ինչպես են կոչվում, ապա կարդացեք մեր հոդվածը՝ «Հայաստանի լավագույն 20 թանգարաններն ու պատկերասրահները»։ Տոմսերի գները ողջամիտ են, և գրեթե բոլորն առաջարկում են կա՛մ էքսկուրսավար, կա՛մ ականջակալներ՝ ձայնային ուղեկցությամբ: Կարող եք նաև դասախոսություններ լսել տարբեր coworking տարածքներում: Մուտքը հաճախ անվճար է կամ նվիրատվությամբ: Մենք, խորհուրդ ենք տալիս պատմության դասախոսությունները և ուղևորությունները դեպի թանգարաններ Move2Armenia Culture.

Դուք կարող եք գնալ ոչ միայն թանգարաններ, այլ նաեւ տարբեր էքսկուրսիաների։ Հայերը մեծ հայրենասերներն են և զբոսաշրջիկների հետ շփվելու հարուստ փորձ ունեն։ Միայն խնդրեք և ձեզ համար մեկշաբաթյա էքսկուրսիա կկազմակերպեն ամբողջ Հայաստանով։ Այս ընթացքում դուք ոչ միայն նոր բաներ կսովորեք, այլ նաև կուտեք խորոված, կխմեք թարխունի լիմոնադ և ամենակարևորը՝ նոր ընկերներ ձեռք կբերեք։ այստեղհրապարակել ենք բազմաթիվ մարդկանց կողմից փորձարկված ուղեկցորդների ցանկ՝. Այս ուղեկցորդները նույնպես լավ արձագանքներ ունեն։

1. Yerevan_online.
2. Ереван глазами инженера.
3. Ереван гуляет.
4. Бюро необычных путешествий.

• Մի վախեցեք դժվար իրավիճակներում խորհրդատվություն և օգնություն (նույնիսկ մասնագիտական օգնություն) խնդրելուց

Երբեմն ավելի լավ է քննարկել տեղի ունեցողը հոգեբանի հետ։ Մենք պատրաստել ենք լավ արձագանքներ ունեցող մասնագետների ցանկ այստեղ.

Որոշ մասնագետներ իրենց Telegram-ի ալիքներն ունեն.

1.   Релокация с психотерапевтом.
2.   О психиатрии – просто и понятно.

Մենք ինքներս՝ Move2Armenia-ում չենք վարանում հանդիպել համապատասխան մասնագետներին։ Վերջերս հրավիրել ենք հոգեբանների, վերաբնակիչների և քննարկել է տեղափոխության ցավոտ կողմերը։ Հանդիպման ժամանակ հոգեբանների խորհուրդներով կիսվել ենք Instagram.

Ավելին, հանրային ելույթի նմանատիպ ձևաչափն անցկացվում է Երևանի տարբեր վայրերում։ Դրանց թվում՝

1.   Letters and Numbers.
2.   Dom Erevan.

• Մի համեմատեք նոր և հին երկրները
• Իրատես եղեք արտագաղթի հարցում։ Մի սպասեք, որ ձեր գտնվելու վայրը փոխելը կախարդական կերպով կլուծի ձեր խնդիրները։
• Ազատվեք ձեզ քննադատող մարդկանցից։ Հեռացրեք ձեր մերձավոր շրջապատից բոլորին, ովքեր ձեր մեջ կասկածներ են սերմանում Հայաստանի՝ ձեր ընտրության վերաբերյալ։
• Սովորեք հայերեն։

Առանց լեզուն իմանալու, դուք երբեք ձեզ չեք զգա ինչպես տանը նոր երկրում, չեք գտնի ցանկալի շրջապատ և ձեզ համար ավելի դժվար կլինի աշխատանք գտնելը։ Լեզվի կանոնավոր պարապմունքները և պրակտիկան անհրաժեշտություն են տեղափոխելիս։

Այս հոդվածը ձեզ կծանոթացնի հայոց լեզվի հիմնական դարձվածքներին, իսկ այս նյութը կօգնի ձեզ սովորել թվերը և ավելի հեշտ կողմնորոշվել տեղական շուկաներում: Մենք նաև խորհուրդ ենք տալիս գրանցվել խոսակցական ակումբում արդեն նշված հարթակում՝ Letters and Numbers։ Իսկ հայերենի անվճար էքսպրես դասընթացներին համեցե՛ք Move2Armenia Culture.

Եզրակացություն

Գրեթե բոլոր նրանք, ովքեր ինչ-ինչ պատճառներով ստիպված են եղել լքել իրենց բնակության վայրը, ենթարկվում են մշակութային շոկի։ Այս վիճակը մեղմելու լավագույն միջոցը տեղեկատվական և բարոյական նախապատրաստումն է: Որքան խորը սուզվեք հայոց պատմության, ավանդույթների և մշակութային կոդի մեջ, այնքան ավելի հեշտ կլինի ինտեգրվել տեղի հասարակությանը: