2023 թ նոյեմբերի 25-ին Move2Armenia Career անցկացրեց իր վեցերորդ աշխատանքի տոնավաճառը, որտեղ 15+ տարբեր ոլորտների կազմակերպություններ ներկայացնում էին 1000+ թափուր աշխատատեղեր: Աշխատանքի էին հրավիրում Creed Roomz, KFC, Evolution Armenia, Imagine Live, Premium Machinery Armenia, ՀՀ միասնական սոցիալական ծառայությունը, staff.am, Tru Tru Cafe, Move2Armenia Career-ը և մայր կազմակերպությունը՝ Move2Armenia շարժումը ու բազմաթիվ այլ ընկերություններ։ Հյուրերը ծանոթացան առողջապահության, կրթության, ՏՏ, մանրածախ առևտրի, HoReCa և այլ ոլորտներում աշխատանքի հնարավորություններին, ինչպես նաև տեղեկացան, թե ինչպես պետությունից օգնություն ստանալ աշխատանք գտնելու հարցում:
Լուսանկարը՝ Յուրի Բաժուկով
Տոնավաճառին մասնակցեց 2000+ թեկնածու։ Նրանք ութ ժամ շարունակ էքսպրես հարցազրույցներ էին անցնում ընկերությունների ներկայացուցիչների հետ և մասնակցում լրացուցիչ միջոցառումների, որոնք բարձրացնում են նրանց մրցունակությունը աշխատաշուկայում։ Յուրաքանչյուր թեկնածու հնարավորություն ուներ
— մասնակցել գործատուների էքսպրես հարցազրույցներին
— ծանոթանալ աշխատանքային պայմանների մանրամասներին
— ստանալ հաջորդ փուլի հրավեր։ Ամբողջությամբ համապատասխանող թեկնածուները անմիջապես անցնում էին ամբողջական հարցազրույցներ։
— պրոֆեսիոնալ լուսանկար ստանալ ռեզյումեի համար հատուկ տարածքում
— մասնակցել B2B շփումներին։
Թեկնածուների և HR մենեջերների միջև շփումը հնարավորինս արդյունավետ էր «արագ ժամադրության» հատուկ ձևաչափի շնորհիվ: Թեկնածուները լրացնում էին հարցաթերթիկը, այնուհետև շփվում գործատուների հետ այն ոլորտներից, որոնք առավել համապատասխան էին իրենց իրավասություններին և փորձին:
Լուսանկարը՝ Յուրի Բաժուկով
Այս Աշխատանքի տոնավաճառին կազմակերպիչները հատուկ ուշադրություն են դարձրել միջին և մեծ աշխատանքային փորձ ունեցող թեկնածուների ներգրավմանը։ Նման մասնագետներ գտնելը սովորաբար ամենադժվարն է գործատուների համար։ Move2Armenia Career-ը, հայտնի է նրանով, որ օգնում է Հայաստան տեղափոխված օտարերկրացիներին աշխատանք գտնելու հարցում։ Նոյեմբերի 25-ին տեղի ունեցած Աշխատանքի տոնավաճառին ներգրավել էին հատկապես մեծ թվով տեղացի և հայրենադարձ թեկնածուների՝ շարունակելով նախորդ տոնավաճառի տրամաբանությունը՝ 1000+ աշխատատեղ Արցախից տեղահանվածների համար 10/2023.
Մաքսիմ Շվեցով, Move2Armenia Career:
«Move2Armenia Career-ը օգնում է աշխատանք գտնել Հայաստանի բնակիչներին անկախ նրանց ծագումից՝ թե՛ տեղացիներին, թե՛ Արցախից տեղահանվածներին, թե՛ հայրենադարձներին, և թե՛ այլ վայրերից այս գրավիչ երկիր տեղափոխված մարդկանց: Մենք տեսնում ենք, որ մեր աշխատանքը և մեր առաջարկած ժամանակակից ձևաչափերը պահանջարկ ունեն. այսօրվա Աշխատանքի տոնավաճառին գրանցվել է մոտ 2500 հյուր: Օրվա կեսին միջոցառմանը մասնակցել էր նրանց արդեն կեսը, շատերը գալիս էին ծանոթների հետ ու գրանցվում տեղում կամավորների օգնությամբ։ Մենք ներգրավել ենք հենց թիրախային լսարանին. գործընկեր-ընկերությունները միջոցառման արդեն առաջին ժամերին տասնյակ խոստումնալից թեկնածուների հանդիպեցին»:.
Premium Machinery Armenia, մարքեթինգի բաժնի ղեկավար Արման Սիմոնյան.
«Շատ լավ տպավորություններ ունեմ։ Բազմաթիվ պոտենցիալ կադրեր գտանք և բիզնես կապեր հաստատեցինք»։
Գլոբբինգ, HR Վալենտինա Մարգարյան.
«Տոնավաճառի կազմակերպվածությունը գնահատում ենք 10-ից 9-ը: Մենք մի քանի պոտենցիալ թեկնածուներ գտանք»:
МойЧай, ղեկավար Սեմյոն Բոյկո.
«Ես ակնկալում էի, որ սովորական միջոցառում կլինի, առանձնապես ոչինչ չէի սպասում։ Սակայն արդյունքում մենք աշխատակիցներ գտանք և հսկայական հետադարձ կապ ստացանք»:
Լուսանկարը՝ Յուրի Բաժուկով
Աշխատանքի տոնավաճառին մասնակցած թեկնածուները նույնպես կիսվեցին իրենց կարծիքներով.
«Ինձ շատ է դուր գալիս նախագիծը, քանի որ այն հնարավորություն է տալիս տեղում ծանոթանալ ընկերություններին: Կցանկանայի իմանալ, թե երբ է լինելու ևս մեկ նման միջոցառում և ավելի շատ ընկերություններ տեսնել այնտեղ»:
«Եկել եմ ինձ ու աղջկաս համար աշխատանք գտնելու։ Կազմակերպիչները շատ լավ աշխատանք են կատարել։ Այժմ սպասում եմ իմ ռեզյումեի լուսանկարին»:
«Միջոցառումն օգնեց ինձ հասկանալ, որ կարելի է փոխել մասնագիտությունս, նոր դասընթացներ անցնել: Ես մտածեցի ինքնակատարելագործման մասին աշխատանքի առումով։ Միջոցառումն իդեալական էր ինքնազարգացման համար, դա որպես բժիշկ եմ ասում»։
Լուսանկարը՝ Յուրի Բաժուկով
Կազմակերպիչների մասին
Move2Armenia Career անցկացրել է Հայաստանի 6 խոշորագույն աշխատանքի տոնավաճառները և օգնել է 250+ գործատուների և 1000+ աշխատակիցների գտնել միմյանց։
Move2Armenia Career -ը նաև հրապարակում է թափուր աշխատատեղեր իր հարթակում և օգնում է ընկերություններին կադրերի հավաքագրման գործում։ Move2Armenia Career -ը համագործակցում է տարբեր ոլորտներ ներկայացնող հայկական և միջազգային ընկերությունների հետ՝ ՏՏ, կրթություն, ռեստորանային և հյուրանոցային բիզնես, բանկեր և հեռահաղորդակցություն:
ԶԼՄ-ների համար
Մարիա Գոնչարովա, Թ.Գ @verdantmary | pr@move2armenia.am | +37495082890, Գաննա Օտչիկ, +37444225608
Նախորդ իրադարձությունների մասին
1000+ աշխատատեղ Արցախից տեղահանվածների համար 10/2023
JobHub տոնավաճառի մասնակիցների վերլուծություն 11/2022 թ
Լուսանկարը՝
«Կարիերան ոչ ՏՏ ոլորտում» 19.02.2023թ
Հեղինակ՝ Գաննա Օտչիկ
Ավելացնել մեկնաբանություն