Հանգիստ և էքստրեմալ արձակուրդի տարբերակներ Հայաստանում

Բնությունը շռայլ է գտնվել Հայաստանի նկատմամբ։ Նրանք, ովքեր ցանկանում են հեռանալ քաղաքի եռուզեռից և վայելել ամենաթարմ օդը, անպայման պետք է այցելեն այս երկիր։ Այս լեռնային երկրի տարածքում կան բազմաթիվ ազգային պարկեր, պետական արգելոցներ և վայրի բնության արգելավայրեր։ 

Այս հրաշալիքներին հասնելը բարդ չէ. վերջին մի քանի տարիներին Հայաստանում ակտիվորեն ընդլայնվում են զբոսաշրջային ուղղությունները, բացվում են էկո-արահետներ, մշակվում են նոր երթուղիներ և էքսկուրսիաներ։ Մենք կազմել ենք ամենահետաքրքիր վայրերի ցանկը, որտեղ դուք կարող եք վերալիցքավորվել բնության գրկում:

Բովանդակություն

1. Երևանի Բուսաբանական այգի
2. Yell Extreme Park
3. Լաստիվեր
4. Դահուկային հանգստավայրեր
   1. Ծաղկաձոր
   2. Ջերմուկ
   3. Սևան (Ախթամար)
5. Ալավերդի
6. Հայաստանի արգելոցներ
   1. Շիկահողի պետական արգելոց
   2. Արփի լիճ
   3. Խոսրովի անտառ

Երևանի Բուսաբանական այգի

Սկսենք մի վայրից, որը հեռու չէ Երևանի կենտրոնից, այլ կերպ ասած՝ 10 րոպե տաքսիով։ Խոսքը Բուսաբանական այգու մասին է՝ մայրաքաղաքի էկոլոգիապես ամենամաքուր վայրի։ Այգին հիմնվել է 1935 թվականին և այդ ժամանակվանից աստիճանաբար համալրվել է բույսերի, ծառերի և ծաղիկների նոր տեսակներով։

Այգու մակերեսը 90 հա է։ Այստեղ ներկայացված է մոլորակի գրեթե ողջ դենդրոֆլորան՝ Կովկասը և Ղրիմը, Հյուսիսային Ամերիկան, Եվրոպան, Սիբիրը և Արևելյան Ասիան:

Շրջելով արահետներով՝ կարելի է զգալ հարուստ բույրերը․ այստեղ հավաքված են ավելի քան 1000 բուսատեսակներ։ Խորհուրդ ենք տալիս ընկույզներ վերցնել ձեզ հետ. այստեղ զբոսնելիս դուք անընդհատ կլսեք ճյուղերի ճռճռոցi ու անվերջ թռչկոտող սկյուռիկների ձայնը, որոնց կարող եք կերակրել:

Լուսանկարը՝ Hyurservice.com

Մուտքը՝ 500 դրամ, հավելյալ վճարով կարող եք այցելել տեղի ծաղկանոցը։ Այն ձեզ կուրախացնի ոչ միայն բույսերի հարուստ հավաքածուով, այլ նաև արտաքին տեսքով. կառույցը նման է այլմոլորակայինների ապակե ափսեի: Այգում կան բազմաթիվ նստարաններ և արահետներ, այնպես որ կարող եք այստեղ գալ հեծանիվով զբոսանքի կամ էլ պիկնիկի։

Լուսանկարը՝ Mykoleidoscope.ru, Wikimedia.org

Yell Extreme Park

Yell Extreme Park-ը գտնվում է Երևանից 140 կիլոմետր հեռավորության վրա՝ Տավուշի մարզի Ենոքավան գյուղի լեռների ստորոտին։ Սա իսկական դրախտ է նրանց համար, ովքեր ցանկանում են համատեղել ադրենալինը և էկոլոգիապես մաքուր միջավայրը։ 

Այգու առաջին կետը զիփլայնն է։ Այն բաղկացած է հինգ մալուխային ուղիներից՝ 150-ից մինչև 750 մետր: Աննկարագրելի տեսարաններ են բացվում ձեր առջև 80 կմ/ժ արագությամբ զիփլայնով իջնելիս։ Անմոռանալի էմոցիաներն ու ադրենալինի չափաբաժինը երաշխավորված են։

Հարկ է նշել, որ դուք կարող եք վայելել նման թռիչքը, եթե համապատասխանեք երեք պայմանների․ ձեր հասակն առնվազն 150 սմ է, քաշը՝ 100 կգ-ից ոչ ավելի և 14 տարեկանից մեծ եք: Մի բան էլ․ դուք պատրաստ եք այս հաճույքի համար 16000 դրամ վճարել։ Այստեղ ձեզ ևս մի հետաքրքիր ծառայություն կառաջարկեն․ 4000 դրամով ձեր կողքին կթռչի անօդաչու թռչող սարքը և կնկարահանի ձեր անկեղծ էմոցիաները։ 

Այգու մյուս ծառայությունը հսկա ամենագնացով զբոսանքն է Ենոքավանի ամենաբարձր լեռներով: ԿԱՄԱԶ-ում կարող են տեղավորվել մինչև 19 մարդ, բայց զբոսանքի կարող եք գնալ անգամ չորսով: Գինը՝ 8000 դրամ մեկ հոգու համար։

Yell Extreme Park-ում կարող եք նաև մարտահրավեր նետել ինքներդ ձեզ և հաղթահարել ճոպանապարկի մի քանի ուղղություն, ամրագոտիով քայլել ժայռի երկայնքով ձգվող արահետով և գիշերել տեղի հյուրանոցում՝ համեղ ռեստորանով, պատշգամբով և հրաշալի բարով:

Աշխատանքային օրերին այգին աշխատում է 10:45-ից 19:00, իսկ հանգստյան օրերին՝ 9:45-ից 19:00:

Լուսանկարը՝ Pinterest.com

Լաստիվեր

Դուք կարող եք փախչել քաղաքի աղմուկից, առօրյայից և սրընթաց աշխատանքից Yell Extreme Park-ի հարևանությամբ գտնվող կիրճ՝ Լաստիվեր: Այն գտնվում է 100 մետր խորության վրա և շրջապատված է լեռներով ու խիտ անտառներով։ Այստեղ կարելի է տեսնել նաև Խաչախբյուր գետի վրա գտնվող Լաստիվեր ջրվեժը, հնագույն քարանձավները և ծառի վրա գտնվող տներով արտասովոր էկո-հյուրանոցը։

Լաստիվերի կիրճ հասնելու լավագույն միջոցը մեքենայով Ենոքավան գյուղ գնալն է, այնտեղից էլ երեք կիլոմետր ոտքով քայլելը։ Խորհուրդ ենք տալիս այս ճամփորդությունը կատարել սեփական ուժերով, նույնիսկ եթե սովոր չեք երկար քայլել։ Կիրճ տանող ճանապարհն այնքան գեղեցիկ է, որ հոգնածություն կզգաք միայն վերադառնալուց հետո։ Ճանապարհին կհանդիպեք միայն ժայռեր, վարար գետ, փարթամ անտառներ և կլսեք թռչունների ծլվլոց: Եթե հաջողացնեք, կարող եք նաև տեսնել արծիվներ վայրի բնության մեջ: Միջին հաշվով Ենոքովան-Լաստիվեր անցումը տեւում է մեկուկես ժամ։ Ծույլերի այլընտրանքը գյուղում ջիպ վարձելն է կամ էլ մեքենայով էքսկուրսիա պատվիրելը։ 

Լուսանկարը՝ Fotocdn.net

Դահուկային հանգստավայրեր

Հայաստանը զառիթափ լեռների և բլուրների երկիր է։ Տարածքի ավելի քան 90% ծածկված է լեռներով, իսկ ծովի մակարդակից միջին բարձրությունը ավելի քան մեկ կիլոմետր է։ Դահուկների և սնոուբորդների սիրահարների համար այստեղ մի քանի հետաքրքիր վայրեր կան: 

Ծաղկաձոր

Ծաղկաձորը փոքր քաղաք է և միևնույն ժամանակ Հայաստանի ամենահայտնի առողջարաններից մեկը։ Գտնվում է Երևանից 90 կիլոմետր դեպի հյուսիս՝ Կոտայքի մարզում։ Այստեղ զբոսաշրջային ենթակառուցվածքը շատ զարգացած է՝ կան բազմաթիվ շքեղ հյուրանոցներ, հանգստավայրեր և ժամանցի վայրեր։

Ծաղկաձորի լեռնադահուկային հանգստավայրը գտնվում է քաղաքից անմիջապես հետո՝ ծովի մակարդակից 1750 մ բարձրության վրա։ 2000-ականների վերջին այն ամբողջությամբ արդիականացվեց, փոխվեցին խորհրդային լեռնադահուկային ճոպանուղիները, բացվեց սարքավորումների վարձույթ, սկսեցին աշխատել դահուկային սպորտի հրահանգիչներ։ Իդեպ, հանգստավայր կարելի է այցելել դեկտեմբերի կեսերից մինչև մարտի վերջ։

Այստեղ կարող եք սուր զգացողություններ ստանալ, նույնիսկ եթե երբեք դահուկ չեք քշել և նախընտրում եք նստել սեղանի շուրջ: Պոկերի սեղանի շուրջ։ Ծաղկաձորը այն քաղաքների շարքում է (Ջերմուկի և Սևանի հետ միասին), որտեղ թույլատրվում է խաղատների գործունեությունը: «Golden Palace Senator»-ը և «Senator Royal»-ը Հայաստանի ամենահայտնի խաղատներից են։

Լուսանկարը՝ Sportishka.com

Ջերմուկ

Ջերմուկը մեկ այլ հայտնի լեռնադահուկային հանգստավայր է: Այն գտնվում է մայրաքաղաքից 170 կիլոմետր հեռավորության վրա՝ ավելի քան երկու կիլոմետր բարձրության վրա։ Այստեղից անհավանական տեսարան է բացվում դեպի առասպելական Արարատը։

Ջերմուկում կա երկու լեռնադահուկային երթուղի․ մեկը պրոֆեսիոնալների համար է, մյուսը՝ ավելի հարթ է և նախատեսված է նրանց համար, ովքեր դեռ բավարար քանակությամբ «ձյուն չեն կերել»։ Երկուսն էլ մոտ մեկուկես կիլոմետր երկարություն ունեն։ Դեպի գագաթ կարելի է բարձրանալ երկտեղանոց ճոպանուղիով։

Երթուղու հենց սկզբնամասում գործում է սրճարան։ Կարող եք տաքանալ տաք ըմպելիքներով, համտեսել հայկական խոհանոցի ուտեստներ կամ բուրգեր և կարտոֆիլ։

Ակտիվ ժամանցից բացի Ջերմուկի հանգստավայրը հյուրերին հնարավորություն է տալիս նաև ամրապնդել իմունիտետը բալնեոլոգիական առողջարաններից մեկում: Դրանք գործում են տեղական հանքային աղբյուրների հիման վրա, որոնք այնքան առողջարար են, որ այստեղ մարդիկ գալիս են աշխարհի տարբեր ծայրերից։ Ջերմուկի մասին ավելին կարդացեք մեր հոդվածում։.

Լուսանկարը՝ Livejournal.com

Սևան (Ախթամար)

Սևան քաղաքն առաջին հերթին կապված է համանուն լճի հետ, որտեղ ամռանը կարելի է անչափ լավ ժամանակ անցկացնել։ Լավագույն լողափերի մասին գրել ենք այս հոդվածում։. Իսկ ձմռանը Սևանն առաջարկում է Աղթամար լեռնադահուկային հանգստավայրը:

Արահետների կահավորվածության և հագեցվածության մակարդակով այս հանգստավայրը զիջում է վերը նկարագրվածներին։ Այնուամենայնիվ, բացերը աստիճանաբար լրացվում են գործարարների ներարկումների շնորհիվ:

Աղթամարում կան մի քանի արահետներ՝ երկու կիլոմետրանոց օձաձև ուղի, մեկուկես կիլոմետրանոց «սև» երթուղի հմուտ դահուկորդների համար և մեղմ, անվտանգ մանկական երթուղի: Այստեղ կան նաև կուսական լանջեր, որոնք հարմար են ֆրիրայդի համար՝ բուսականության բացակայության շնորհիվ։ Երեխաների համար գործում է դահուկային սպորտի դպրոց, կա նաև սարքավորումների վարձույթ։

Չորս աթոռանոց ճոպանուղին՝ ժամում 800 մարդ տեղափոխելու կարողությամբ, հյուրերին հասցնում է մեկնարկային կետ։ Այն գործում է ամեն օր, ժամը 10:00-ից մինչև 17:00-ն: Սեզոնը բացվում է նոյեմբերի վերջին և տևում մինչև հունիսի սկիզբ։

Ճանապարհորդները կարող են տեղավորվել Սևանի բազմաթիվ հյուրանոցներից, հոսթելներից կամ մասնավոր բնակարաններից մեկում: Ցանկացողները կկարողանան այստեղ առանձին տուն կամ մի ամբողջ հարմարավետ քոթեջ վարձել։

Լուսանկարը՝ VK.com

Ալավերդի

Մեկ այլ լեռնային քաղաք՝ Ալավերդին գտնվում է երկրի հյուսիսում՝ Վրաստանի հետ սահմանի մոտ։ Այստեղ հիասքանչ բնություն կա, իսկ բլուրների վրա ակտիվ ճանապարհորդը կգտնի հինավուրց վանքերի և ամրոցների մի ամբողջ հավաքածու։ Դրանց կարելի է հասնել ոտքով, ջիպով կամ ձիով: Մենք առանձին հոդված.

Լուսանկարը՝ Tourweek.ru

Հայաստանի արգելոցներ

Եթե ուզում եք ընդհանրապես ոչինչ չտեսնել, բացի բնությունից, ապա պետք է գնաք Հայաստանի արգելոցներից մեկը։ Քաղաքի եռուզեռի մասին մոռանում ես արդեն կեսճանապարհին։ Յուրաքանչյուր արգելոց հասնելու համար կպահանջվի մեկուկեսից երեք ժամ։ 

Շիկահողի պետական արգելոց

Մեղրու լեռնաշղթայի հյուսիսային լանջերին 700—2 400 մետր բարձրության վրա գտնվում է Շիկահողի արգելոցը։ Այն ստեղծվել է 1958 թվականին և զբաղեցնում է 10 000 հա տարածք։

Այստեղ պահպանվել է Հայաստանի բնությունը՝ ավելի քան 1000 բուսատեսակով։ Արգելոցի արահետներով քայլելով՝ կտեսնեք ալպիական մարգագետիններ՝ խոլորձներով, կապույտ զանգակներով և կակաչներով, բոխիի ու կաղնու փարթամ անտառներով և Մթնաձորի կիրճով:

Շիկահողի արգելոցի պահպանության հիմնական առարկան 1000–2200 մ բարձրության վրա աճող կաղնու և բոխիի անտառների բուսական ու կենդանական աշխարհն է։ Այնտեղ կան եղևնիների և հաճարենու անտառներ, ինչպես նաև հազվագյուտ հնագույն պտերներ, որոնք դեռ դինոզավրերն էին ուտում։

Լուսանկարը՝ Լանա Մանգասարյան

Արփի լիճ

Երևանից 180 կիլոմետր հեռավորության վրա՝ Հայաստանի ծայր հյուսիս-արևմտյան Աշոցքի բարձրավանդակում, գտնվում է «Արփի լիճ» երիտասարդ ազգային պարկը, որն անվանվել է երկրի երկրորդ ամենամեծ ջրամբարի անունով: Այս տարածքում կենդանիների և բույսերի հսկայական բազմազանություն կա: Շատերը միայն այստեղ են ապրում։ Օրինակ, գանգրափետուր հավալուսն, որը կարողանում է ֆշշացնել և խռխռացնել, ոչ մի այլ վայրում չի հանդիպում: Ժողովուրդն այս փետրավորին «կնիկ» է անվանում «գանգուրների» պատճառով։

Այստեղ, առհասարակ, թռչունների բազմաթիվ տեսակներ կան, ուստի այս վայրն ընտրում են թռչունների սիրահարները՝ նրանք, ովքեր սիրում են հետևել այս փետրավորների կյանքին։

Ազգային պարկը ստեղծվել է համեմատաբար վերջերս՝ 2009թ.-ին, ուստի զբոսաշրջությունն այստեղ նոր է ձևավորվում, սակայն լճի արևելյան ափին կան հյուրատներ, իսկ հարևան Մեծ Սեպասար գյուղում բացվել է զբոսաշրջային կենտրոն։ Ճիշտ է, այստեղ հասնելը հեշտ չէ։ Գեղատեսիլ բլուրների երկայնքով ասֆալտապատ ճանապարհներ չկան, ուստի երթևեկությունը կազմակերպվում է բարձր ջիպերով։

Լուսանկարը՝ Vsegda-pomnim.com

Խոսրովի անտառ

Երկրի ամենահին արգելոցը զբաղեցնում է Խոսրովի անտառի պատմական տարածքը։ Դեռևս 4-րդ դարում Խոսրով թագավորն այս հողերին որսատեղիի կարգավիճակ է շնորհել։ Ըստ տարեգրության՝ այս շրջաններով էր ժամանակին անցնում Մետաքսի ճանապարհի ճյուղերից մեկը։

Այսօր արգելոցի տարածքն այնքան էլ մարդաշատ չէ, բայց դուք կարող եք գտնել բազմաթիվ պատմական վայրեր՝ տաճարների, բերդերի, գերեզմանատեղիների ավերակներ։

Փաստաթղթերի համաձայն՝ Խոսրովի անտառը խորհրդային տարիներին դարձել է արգելոց։ Դրան հսկա տարածք է հատկացվել՝ ավելի քան 23 հեկտար։ Հարուստ բուսականությունը կարող է խենթացնել ալերգիայով տառապող մարդկանց. ամեն ինչ ծաղկում է և բուրում: Այստեղ աճում են կաղնիներ, թխկիներ, գիհիներ, նուշի ծառեր, վարդագույն կեչիներ։

Արգելոցի տարածքում ներկայացված բույսերն ու ծառերը կազմում են երկրի բուսական աշխարհի կեսից ավելին։ Զբոսաշրջիկներն ու արշավախմբերը գալիս են այստեղ՝ հիանալու ջրվեժներով և բնության տեսարաններով: Այստեղ լանդշաֆտը հիմնականում լեռնային է՝ լեռնաշղթաներ, բարձր սարահարթեր, խորը ձորեր և ձյունածածկ գագաթներ։

 «Խոսրովի անտառը» գտնվում է Երևանից ընդամենը 30 կմ հեռավորության վրա։ Կարող եք գիշերել հարևան Գառնի գյուղի հյուրանոցներում։ Վրանում քնելու սիրահարների համար այնտեղ նաև վրանային ճամբար կա։

Լուսանկարը՝ Wikimedia.org

Հայաստանում կարող եք հանգստանալ բնության գրկում ամբողջ տարին։ Ընտրեք տեղ և գնացեք: Իսկ մենք առաջարկում ենք դա անել մեքենայով Move2Car.