Հայաստանի առողջապահության ոլորտի առանձնահատկությունները

Բովանդակություն

1. Ի՞նչ է պետք իմանալ Հայաստանի առողջապահության ոլորտի մասին

2. Ինչպե՞ս ստանալ առողջության ապահովագրություն

3. Ինչպե՞ս գրանցվել բժշկի մոտ

4. Ի՞նչ փաստաթղթեր են անհրաժեշտ

5. Ի՞նչ արժեն բժշկական ծառայությունները

6. Ի՞նչ բժշկական կենտրոններ կան

7. Ի՞նչ լեզուներով են խոսում

Ի՞նչ է պետք իմանալ Հայաստանի առողջապահության ոլորտի մասին

Հայաստանում բազմաթիվ լավ մասնագետներ կան, ինչպես նաև ընդհանուր և նեղ մասնագիտական ժամանակակից բժշկական կենտրոններ։ 2018 թվականի դրությամբ հանրապետությունում կար 102 հիվանդանոց և 540 պոլիկլինիկա ու բժշկական կենտրոն։ Մեր տեղեկատուում կարող եք գտնել հիվանդանոցների և լաբորատորիաների մասին տեղեկատվություն։.

Հայաստանի Հանրապետության քաղաքացիները և կացության թույլտվություն ունեցողները կարող են անվճար բուժօգնություն ստանալ պետական պոլիկլինիկաներում՝ ըստ իրենց բնակության վայրի։ Այնուամենայնիվ, ոչ բոլոր ծառայություններն են հասանելի այնտեղ, բացի այդ՝ կարող եք ժամանակ կորցնել հերթերում, ուստի բազմաթիվ քաղաքացիներ ապահովագրության պայմանագիր են կնքում կամ էլ դիմում են վճարովի հիվանդանոցներ:

Հղիության հսկողության ծառայության համար պետք է վճարեն նույնիսկ կացության թույլտվություն ունեցողները: Այս մասին ավելին՝ մեր հոդվածում։.

Ոչ ռեզիդենտներն իրավունք ունեն շտապ բժշկական օգնություն ստանալու (համարները՝ 03, 103, 112 կամ 911)։Շտապ բուժօգնություն վճարովի հիմունքներով տրամադրում են նաև «Էրեբունի» (հեռ. 8119), «Արմենիա» (8103), «Սուրբ Գրիգոր Լուսավորիչ» (8115) բժշկական կենտրոնները։ Նշենք, որ շտապ օգնություն է տրամադրվում նաև անօթեւան կենդանիների հարձակումների դեպքում, որոնք Հայաստանում շատ են։ Երևանի քաղաքապետարանի կայքումնշված է այն հաստատությունների ցանկը, որտեղ կարելի է դիմել նման իրավիճակում։ Եթե ձեր ընտրած հաստատությունում պատվաստանյութ չգտնվի, ձեզ կուղղորդեն այլ բուժհիմնարկ: Կոտրվածքների բուժումը չի մտնում շտապ բուժօգնության մեջ։

Թե ինչպես կարելի է շտապօգնություն կանչել երեխայի համար, անդրադարձել ենք այստեղ՝ FAQ.

Հնարավոր է նաև անվճար պատվաստվել կորոնավիրուսի դեմ Pfizer պատվաստանյութով։

Ինչպե՞ս ստանալ առողջության ապահովագրություն

Օտարերկրյա քաղաքացիների համար բժշկական օգնության մյուս տեսակները վճարովի են․ հարկավոր է ապահովագրություն ձևակերպել կամ վճարել բժշկի մոտ յուրաքանչյուր այցելության համար: Բժշկական ապահովագրության գները տատանվում են տարեկան 10 000 դրամից («Լիգա Ինշուրանս») մինչև 630 000 ՀՀ դրամի («Ինգո Արմենիա») սահմաններում՝ կախված ծառայությունների փաթեթից և ապահովագրական գումարից։

Հայաստանում բժշկական ապահովագրությամբ զբաղվում են հետևյալ ընկերությունները.

• «Լիգա Ինշուրանս» (Ռոսգոսստրախ Արմենիա);
• «ՌԵԳՈ»;
• Armenia Insurance;
• Ingo Armenia;
• Nairi Insurance;
• S.I.L. Insurance (միայն իրավաբանական անձանց համար):

Հայրենադարձները կարող են զանգահարել կամ այցելել «Repat Armenia» կազմակերպության գրասենյակ, որն օգնություն է տրամադրում տեղափոխության, ներառյալ արտոնյալ ապահովագրության հարցում։.

Մանրամասների համար այցելեք այստեղ՝ FAQ.

Ինչպե՞ս պայմանավորվել բժշկի հետ

Կա մի քանի հնարավորություն․

• անձամբ հիվանդանոցի ընդունարանում
• հեռախոսով
• հաղորդագրություն թողնելով մեսենջերում կամ կայքում, եթե ունեք ապահովագրություն:
  

Ինչ փաստաթղթեր են անհրաժեշտ

Ապահովագրության պայմանագրով բժշկի այցելելիս անհրաժեշտ փաստաթղթերը.

• անձը հաստատող փաստաթուղթ
• սոցիալական քարտ (տրվում է անվճար անձնագրային գրասենյակում ըստ բնակության վայրի / գրանցման մասին);
• ապահովագրական պայմանագիր։

Եթե դուք ՉՈՒՆԵՔ ապահովագրություն, ապա ձեզ հարկավոր է միայն ցույց տալ ձեր անձնագիրը և վճարել բժշկի այցելության համար:

Ի՞նչ արժեն բժշկական ծառայությունները

Թերապևտի մոտ այցը միջինում կարժենա 6000-9000 դրամ, իսկ նեղ մասնագիտացված բժշկին՝ 8000-15000 դրամ։

Կարող եք վճարել բուժհաստատության դրամարկղում կանխիկ կամ քարտով։

Ի՞նչ բժշկական կենտրոններ կան

Առավել հարմար է պոլիկլինիկա և բժիշկ ընտրել doctors.am կայքում և doctor.911.am կայքում։.

Տարբեր բժշկական կենտրոններ, լաբորատորիաներ, նեղ մասնագիտացված բժիշկներ թվարկված են նաև տեղեկատուում։.

Ի՞նչ լեզուներով են խոսում

Խորհրդատվություններն իրականացվում են հայերեն, ռուսերեն կամ անգլերեն լեզուներով։

Բժշկական փաստաթղթերը պահվում են հայերեն, բայց բժիշկների մեծ մասը տիրապետում է նաև ռուսերենին, ուստի ձեր ցանկությամբ եզրակացությունը կթարգմանվի։ Եթե նախատեսում եք բուժումը շարունակել Ռուսաստանում, ապա ձեզ անհրաժեշտ կլինի Հայաստանում ստացված վկայականների նոտարական վավերացված թարգմանություն։

Մաղթում ենք ձեզ քաջառողջություն: