Գավառը Գեղարքունիքի մարզի վարչական կենտրոնն է։ Սևանա լճի ափին հանգստի սիրահարները գիտեն, որ քաղաքից ընդամենը 15 րոպե մեքենայով երթևեկելով՝ կարելի է հասնել մոտակա լողափ: Գավառը շրջապատված է Գեղամա լեռներով, ամռանը եղանակը հաճելի է, ձմռանը՝ ձյունառատ։ Սա հիանալի վայր է ինչպես հանգիստ, այնպես էլ արշավի համար:
Բովանդակություն
Գավառ քաղաքի պատմությունը
Ներկայիս Գավառի տարածքում մարդիկ ապրում էին դեռևս Ուրարտական թագավորության ժամանակներում։ Այդ մասին է վկայում քաղաքի ներսում Խալդի աստծո պատվին կառուցված բերդը, որը պահպանվել է մինչ օրս։ Այստեղ հայտնաբերվել է նաև խաչքար, որտեղ Գավառ անվան կողքին գրված է 291 թվականը:
Ենթադրվում է, որ 1830 թվականին քաղաքը հիմնել են թուրքերից փախած բայազետցի վերաբնակիչները Գավառ (Քյավառ) գյուղի տեղում։ Նրանք իրենց նոր բնակավայրն անվանել են Նոր-Բայազետ: 1850 թվականին այն դարձել է Նովո-Բայազետ գավառական քաղաք։ 1959 - 1995 թվականներին քաղաքը կրել է Կամո անվանումը՝ ի պատիվ հեղափոխական, ծնունդով Գավառից Ս.Ա. Տեր-Պետրոսյանի։ Այնուհետև քաղաքին վերադարձվել է իր ամենահին անվանումը։
Այժմ սա Հայաստանի 10-րդ քաղաքն է բնակչության թվով։ Այստեղ գործում են գործիքաշինական, պանրագործական և մալուխագործական գործարաններ։ Զարգացած է նաև գյուղատնտեսությունը. ասում են, որ Գավառում են թխում ամենահամեղ հացը կարմիր եգիպտացորենից, պատրաստում քյուֆթան և պանիրը։ Գավառցիները հպարտանում են նաև իրենց գաթայով ու փախլավայով։ Կարելի է նաև փորձել Սեւանի սիգ։ Այստեղ են կանգ առնում Սևանա լճի ափին հանգստացողները, ովքեր այցելում են նաև քաղաքի և շրջակայքի հնագույն եկեղեցիներն ու վանքերը։ Ավելի մանրամասն, թե ինչ տեսարժան վայրեր կարելի է այցելել քաղաքում՝ ստորև։
Ինչպե՞ս հասնել քաղաք
Գավառը գտնվում է Երևանիցմոտ 90 կմ հեռավորության վրա։ Քաղաք կարելի է հասնել ոչ միայն մեքենայով, այլ նաև ավտոբուսով Հյուսիսային ավտոկայանից։ Ճանապարհը տևում է մոտ երկու ժամ։ Եթե ցանկանում եք մեքենա վարձել, դիմեք մեր վստահելի գործընկերոջը՝ Move2Car.
Տեսարժան վայրեր
Խաչքարերի գերեզմանատուն
Գավառ տանող ճանապարհին կարելի է այցելել մի քանի հնավայրեր։ Գլխավորը Նորատուս գյուղի խաչքարերի գերեզմանատունն է։ Այս գերեզմանատանն են գտնվում աշխարհում ամենամեծ թվով խաչքարերը։ Դրանցից ամենահինը, հավանաբար, տեղադրվել է 5-րդ դարում։ Գերեզմանատան հետ կապված մի քանի լեգենդներ կան. դրանցից մեկի համաձայն՝ տեղացիները, իմանալով Լենկթեմուրի մոտենալու մասին լուրը, խաչքարերի վրա զրահաբաճկոններ են հագցնում։ Հեռվից բանակին թվում է, թե դրանք բոլորն իրենց դեմ ելած մարտիկներ են, ինչից հետո թշնամին նահանջում է։
Իլիկավանք
Լանջաղբյուր գյուղի Իլիկավանքի (մոտ 10-րդ դար) պարիսպներից ներս կարելի է Արևմտյան Հայաստանից բերված երկու խաչքար տեսնել։ Վանքի անվաննման ծագման պատմությունը մինչ օրս անհայտ է։
Հայրավանքը
Գավառից Սևան մեկնելիս կանգ առեք 9-րդ դարի Հայրավանք (Մարդաղավնյաց) վանքում։ Եկեղեցու մոտից գեղեցիկ տեսարան է բացվում դեպի լիճ, իսկ ինքը՝ կառույցը հիացնում է իր ճարտարապետությամբ։ Վանական համալիրը ներառում է եկեղեցի, մատուռ, իսկ մոտակայքում՝ գերեզմանատուն և բերդ կա։ Զբոսաշրջիկները նշում են, որ մայրամուտներն այստեղ հատկապես գեղեցիկ են։
Խալդի աստծո ամրոց
Գավառում արժե բարձրանալ Ռուսա I թագավորի ուրարտական կիկլոպյան ամրոցը, սա բացառիկ հնարավորություն է շոշափելու պատմությունը, նայելու մ.թ.ա 3-րդ դարի հզոր կառույցին։
Սուրբ Ստեփանոսի մատուռ
Մեկ այլ հնագույն շինություն է Սուրբ Ստեփանոս մատուռը , որը գտնվում է քաղաքային գերեզմանատանը։ Հենց դրա հիմքում է գտնվում այն քարը, որի վրա 291 թվականին քանդակվել է Գավառի մասին առաջին հիշատակումը։
Սուրբ Կարապետ, Սուրբ Հովհաննես, Սուրբ Աստվածածին եկեղեցիներ
Հետաքրքիր է այցլել նաև 19-րդ դարի կեսերին կառուցված Սուրբ Կարապետ փոքրիկ եկեղեցին։ Քաղաքի ծայրամասում է գտնվում 19-րդ դարի կիսախարխուլ Սուրբ Հովհաննես եկեղեցին։ Սակայն Գավառի ամենագրավիչ եկեղեցին է համարվում Սուրբ Աստվածածին եկեղեցին : Երկար ժամանակ այն համարվում էր Հայաստանի ամենաբարձր տաճարը։
Գավառի թանգարան և պատկերասրահ
«Թանգարանային» զբոսաշրջության սիրահարներին դուր կգա Գավառի երկրագիտական թանգարանը, որտեղ ձեզ մանրամասն կներկայացնեն տարածաշրջանի պատմությունը, կցուցադրեն պատմական տարբեր ժամանակաշրջանների հնագիտական գտածոներ և կահկարասի։ Կարող եք այցելել նաև Գ.Բունիաթյանի անվան Գավառի պատկերասրահ։ Պատկերասրահի հիմնական ցուցադրությունը կազմված է ծնունդով գավառցի ակադեմիկոս Գ.Բունիաթյանի մասնավոր հավաքածուից։ Ցուցադրված են 19-20-րդ դարերի հայ և ռուս նկարիչների կտավներ՝ Եգիշե Թադևոսյան, Մարտիրոս Սարյան, Մարտին Պետրոսյան և այլոք։
Զորավար Անդրանիկի փողոցով քայլելիս՝ կարելի է տեսնել Նովո-Բայազետի ժամանակներից պահպանված մի քանի շինություն։ Բայց քաղաքում գերակշռում են հիմնականում խորհրդային շենքերը։
Հովիվների փառատոն
Հուլիսի 7-ից հուլիսի 9-ը Գավառում կանցկացվի հովիվների փառատոնը։ Փառատոնի առաջին օրը այցելուները կծանոթանան կիկլոպյան ամրոցներին։ Երկրորդ օրը Սուրբ Խաչ լեռան լանջին նրանց կհյուրասիրեն գառան խաշլամա։ Երրորդ օրը փախլավայի օրն է։ Այն հնարավոր կլինի ոչ միայն գնել և համտեսել, այլ նաև ինքնուրույն պատրաստել։
«Մեծ փուռ» փառատոն
Սեպտեմբերի 29-ին քաղաքից ոչ հեռու՝ Սարուխան գյուղում ավանդաբար տեղի է ունենում «Մեծ փուռ» փառատոնը։ Դրանով նշանավորվում է կարտոֆիլի բերքահավաքի սկիզբը, որն այդ օրը պատրաստում են տեղի բաղադրատոմսով։ Կարող եք փորձել 50-ից ավելի կարտոֆիլով ճաշատեսակներ, լսել հայկական երգեր, դիտել պարերը և մասնակցել մրցույթների։
Հայաստանի քաղաքների մասին հոդվածաշարում անդրադարձել ենք նաեւ Արարատ և Բերդ. քաղաքներին։ Անցեք հղումներով և ծանոթացեք Հայաստանին: Եթե հարցեր ունեք, գրեք մեր աջակցման թիմին՝ @move2armenia_official հասցեովԻսկ մեկնաբանություններում կիսվեք՝ գնացել եք արդյոք Սևան, ո՞ր քաղաքում եք կանգ առել։ Կցանկանայի՞ք այցելել Գավառ:
Ավելացնել մեկնաբանություն