Ճշմարտությունը գինու մեջ՝ նռան գինու

Հայերը գինու հետ «հարաբերությունների» երկար պատմություն ունեն։ Այսպիսով, Արենիի քարանձավում գտել են աշխարհի ամենահին թորման գործարանը՝ այն մոտ վեց հազար տարեկան է։ Բացի այդ, հայերը կարծում են, որ Նոյը, իջնելով Արարատ լեռան վրա, տնկել է առաջին որթատունկը Հայաստանի տարածքում։

Գինի արտադրում են ինչպես խոշոր գործարանները, այնպես էլ փոքր տնտեսությունները։ Եվ դրանք միայն խաղողով չեն սահմանափակվում. տարածված է նաև Հայաստանի խորհրդանիշներից մեկի՝ նռան գինին։ Հենց այդ գինու մասին էլ կպատմենք։

Բովանդակություն

1. Ինչպե՞ս է պատրաստվում նռան գինին
2. Նռան գինու առանձնահատկությունները
3. Ի՞նչի հետ խմել նռան գինի
4. Ո՞ր հայկական նռան գինին ընտրել
5. Որտեղի՞ց գնել նռան գինի

Ինչպե՞ս է պատրաստվում նռան գինին

Խաղողի և նռան գինու ստեղծման տեխնոլոգիաները նման են. նռան հյութը խմորվում է մոտ մեկ ամիս, մինչև ալկոհոլի պարունակությունը հասնի 6-7%։ Վերջնական թնդությունը 13-16⁰ է։ Գինու համար պիտանի է միայն հյութեղ նուռը՝ շաքարի բարձր պարունակությամբ. այսպես զգացվում է վառ մրգային համը և ձևավորվում է ալկոհոլը։ Հայաստանում գինու համար կատարյալ նուռն աճում է Սյունիքի և Արարատի մարզերում։

Գինեգործարանների մեծ մասում նուռը մաքրում են, հատիկները տրորում են և հեռացնում ջարդոնը, բայց երբեմն կորիզները թողնում են հյութի հետ միասին: Իսկ որոշ գինեգործներ օգտագործում են ողջ պտուղը, թեև ենթադրվում է, որ դա խմիչքին դառնություն է հաղորդում: Նռանը կարելի է ավելացնել նաև խաղող և այլ հատապտուղներ և մրգեր։ Խմորման ընթացում շաքարավազ են ավելացնում, եթե նուռը շատ քաղցր չի եղել։ Պահում են գինին ապակե անոթների կամ կաղնու տակառների մեջ:

Սովորաբար ստեղծում են կիսաքաղցր և քաղցր գինի, բայց կարելի է գտնել նաև չոր, հարստացված, փրփրուն գինի։ Ցածր պահանջարկի պատճառով նռան գինի քիչ են արտադրում։

Նռան գինու առանձնահատկությունները

Ինչո՞ւ են առհասարակ նռան գինի պատրաստում, երբ կա խաղողի գինին: Իհարկե, հանուն անսովոր համի։

Երբ խաղողի գինին դուր չի գալիս, հաճախ ասում են, որ «թթու է»։ Իսկ բարձրորակ նռան գինու մեջ արժեւորվում է հենց հաճելի թթվայնությունն ու տտիպությունը։ Դա համակցվում է մրգային համերի և նույնիսկ ծաղկային և հատապտուղների նոտաների հետ: Իսկ հետհամի մեջ կարող եք զգալ փայտի և ընկուզի երանգներ։

Գիտնականներն ապացուցել են,որ նռան գինին կարող են օգտագործել խմիչքի այն սիրահարներն, ովքեր դիետա են պահում։ Բացի այդ, նռան գինու մեջ ավելի շատ հակաօքսիդանտներ կան, քան խաղողի գինու մեջ։

Ի՞նչի հետ խմել նռան գինի

Գինին խորտիկներովմատուցելիս սառեցրեք այն մինչև 14-16⁰C։ Այն հիանալի կերպով լրացնում է պանիրներին, ապխտած մսին, ընկույզներին և չրերին:

Բովանդակ այսինքն՝ մսային, ուտեստների հետ գինին մատուցվում է 16-18⁰C ջերմաստիճանում։

Քաղցր շոկոլադի, խմորեղենի կամ պարզապես շոկոլադե սալիկ և մրգային ափսեի հետ օգտագործում են 12-14 ⁰C-ի նռան գինին։

Ո՞ր հայկական նռան գինին ընտրել

Արվեստի պատմության հետազոտող և Արվեստի ակադեմիայի դասախոս Դարիա Շիխովան ուսումնասիրել է նուռը որպես հայկական մշակույթի մաս։ Երեւանում նա դասախոսություն է անցկացնում «Նռան պատմությունը» թեմայով՝ զուգորդված նռան գինու համտեսի հետ։ Միջոցառումների հայտարարություններին հետևեք Դարիայի Instagram-ի էջում։Նա մեզ պատմեց, թե որ նռան գինիներն արժե փորձել։.

365 Gevorkian Winery-ից

«Իմ ցանկում առաջինը կլինի Գևորգյան գինեգործարանի գինին և նրանց 365 մրգային գինիների հավաքածուն: Սոմելյե Լիլիան և ես հենց այս գինեգործարանի արտադրանքն ենք օգտագործում մեր դասախոսության ընթացքում։ 

Հնեցված նռան կիսաքաղցր գինին վեց ամիս պահում են ղարաբաղյան կաղնու տակառներում՝ դարձնելով այն ամենահետաքրքիր գաստրոնոմիական փորձառություններից մեկը»։

Pomegranate Voskevaz Winery-ից

«Հայաստանում ժողովրդական հեքիաթ կա՝ «Նռան հատիկ»՝ հսկայական նռան միջից դուրս գալով՝ այն հերոսին հաջողություն է բերում։

Ոսկեվազի գինու գործարանի գինին ինձ թվում է այնպիսին, ինչպիսին այն կլիներ այդ հին հեքիաթում: Բավականին թթու, հյութալի, խենթացնող. այսպես եմ ես պատկերացնում ավանդական տեխնոլոգիայով պատրաստված գինին»։

Yerevan 782 BC Armenia Wine Company-ից

«Մեկ այլ գինի, որը խորհուրդ կտայի փորձել «Արմենիա Վայն» ընկերության գինին է, որը դասական նռան գինի չէ, թեև դրանից պակաս հետաքրքիր չի դառնում։ Նռան և խաղողի խառնուրդը կարող է ավելորդ թվալ, բայց դա միայն առաջին հայացքից է։ Քրիստոնեության մեջ դրանք երկուսն էլ իրենց կարմիր հյութի պատճառով անձնավորում են Քրիստոսի արյունը։ Իսկ նախաքրիստոնեական ժամանակներում Անահիտ աստվածուհու պաշտամունքը հանգեցնում էր նրան, որ սուրբ զոհասեղանը լվանում էին նռան հյութով։

70/30 հարաբերակցությամբ (նուռ/խաղող) զգացվում են «բարդ» համեր, ինչպես նաև կեռասի և հաղարջի հետհամը։

Մենք նաև հավաքել ենք լավագույն 5 գինիները, որոնք խորհուրդ են տալիս տեղացիներ և զբոսաշրջիկներ։

Berdashen Ստեփանակերտի կոնյակի գործարանից

Նռան գինու գիտակները «Բերդաշենը» սիրում են թեթև թթվայնության համար և նշում են, որ նռան հետ միասին զգացվում է նաև թզի համը։ Իսկ հետհամի մեջ գերակշռում են կաղնու և խոտի երանգները։

Noyan Tapan ՄԱՊ գինու և կոնյակի գործարանից

Այս գինին ունի նռան վառ համ՝ շնորհիվ մրգի կեղեւի ավելացման։ Հետհամը երկար է, ընկուզային։ Այն լավ համադրվում է մսի հետ։

Armenia Armenia Wine-ից

Այս գինին ստեղծելու համար նուռն ու խաղողի հյութը հավասարապես խառնում են իրար։ Խմիչքը շատ թթու չէ, զգացվում է հատապտուղների համը։ Գինին թարմացնող է և հեշտ է խմվում։

Matevosyan Matevosyan Wine-ից

Այս գինու համար օգտագործում են Սյունիքի մարզում հասունացած նուռը։ Դրանք քաղցր են և կատարյալ՝ ալկոհոլային խմիչք ստեղծելու համար: Գինին շատ բուրավետ է, վառ, ծաղկային ու մեղրային բույրով։ Այն խորհուրդ է տրվում մատուցել պանրի և մրգերի հետ։

Ijevan Իջեւանի կոնյակի եւ գինու գործարանից

Գնորդներն այն անվանում են թե՛ կատարյալ, թե՛ առանձնահատուկ: Գինին իսկապես յուրահատուկ է, թթու, նռան հարուստ համով և երկար հետհամով:

Որտեղի՞ց գնել նռան գինի

Խորհուրդ են տալիս հանգստանալ և նռան գինի փորձել հետևյալ բարերում և ռեստորաններում․:

In Vino

Բարը գտնվում է Երևանի այսպես կոչված «բարերի» կամ «հարբած» փողոցում՝ Մարտիրոս Սարյան, 6 հասցեով։ Այստեղ կա գինու հարուստ ընտրանի, և բոլոր հյուրերին օգնում են ընտրել իրենց ճաշակով խմիչքներ։

Decant

Այս բարը գտնվում է In Vino-ի հարևանությամբ՝ Մարտիրոս Սարյան, 1 հասցեով։ Այստեղ կազմակերպում են համտեսներ, պատմում են գինու պատմության մասին, ինչպես նաև առաջարկում են լայն տեսականի։

«Պանդոկ Երևան»

Երևանի հենց կենտրոնում՝ Ամիրյան 1 փողոցում կա ազգային խոհանոցի ռեստորան։ Եվ, դատելով մեկնաբանություններից, այստեղ մատուցում են լավագույն տնական նռան գինիներից մեկը։ Պանդոկի խմիչք համտեսելուց հետո հյուրերն այնուհետև փորձում են գտնել այդ գինին խանութներում:

Դուք կարող եք գինի գնել ցանցային խանութներից, օրինակ՝ Երևան Սիթիից, ինչպես նաև Նոր Զովքից, Ծիրանից կամ ՍԱՍ-ից։ Երևանի սուպերմարկետների մասին կարդացեք հետևյալ հոդվածում։.

Նռան գինին անսովոր խմիչք է, այն ստեղծելու համար գինեգործները երկար փորձարկումներ են անում կատարյալ համի հասնելու համար: Հայաստանում անպայման պետք է փորձել տեղական նռան գինին։ Հուսով ենք, որ մեր խորհուրդները կօգնեն ձեզ ճիշտ ընտրություն կատարել: