1. Նախ՝ անհրաժեշտ է ունենալ ներքին կամ արտասահմանյան անձնագրի նոտարական վավերացմամբ հայերեն թարգմանություն։ Սա, ընդհանուր առմամբ, միակ փաստաթուղթն է, որն անհրաժեշտ է օտարերկրացուն Հայաստանում որպես Անհատ Ձեռնարկատեր գրանցելու համար։
2. Ձեր անձնագրի՝ նոտարի կողմից վավերացված թարգմանությամբ կարող եք վստահորեն գնալ Իրավաբանական անձանց պետական ռեգիստր։ Գլխամասային գրասենյակը գտնվում է Երևանում՝ Արաբկիր վարչական շրջանում՝ Կոմիտասի պողոտա, 49/3 հասցեում։ Ռեգիստրը գործում է աշխատանքային օրերին՝ ժամը 9:00-18:00, ընդմիջում՝ 14:00-15:00: Մյուս մասնաճյուղերի հասցեներին կարող եք ծանոթանալ՝ զանգահարելով տարածքային սպասարկման գրասենյակների համակարգման բաժին՝ +374 10 201446։
3. Այստեղ, նախևառաջ, պետք է տերմինալ գտնել՝ կտրոն ստանալու համար: Տերմինալի վրա ընտրեք ձեզ հարմար լեզուն և նշեք իրավաբանական անձի գրանցման ծառայությունը։ Դրանից հետո սպասեք ձեր հերթին։ Կտրոնի համարը կցուցադրվի ցուցատախտակի վրա: Այնուհետև մոտեցեք անհրաժեշտ պատուհանին և տեղեկացրեք աշխատակցին, որ ցանկանում եք գրանցվել որպես ԱՁ:
4. Աշխատակիցը կխնդրի ձեր անձնագիրը և նոտարական վավերացված թարգմանությունը և կհարցնի, թե ինչ եք նախատեսում անել որպես իրավաբանական անձ: Նա կլսի ձեզ և կընտրի ձեր գործունեությանը համապատասխանող ծածկագիրը: Պետք է տրամադրեք նաև այն հասցեն, որտեղ պատրաստվում եք իրավաբանական գործունեություն իրականացնել (կարող եք նշել ցանկացած հասցե, անգամ այն հյուրանոցի հասցեն, որտեղ կանգ եք առել):
5. Աշխատակիցը ձեզ կտրամադրի պետական տուրքը վճարելու անդորրագիր: Վճարումը հարկավոր է կատարել տերմինալով։ Այն գտնվում է հենց սրահում՝ EasyPay վճարային տերմինալն է։ Իսկ պետական տուրքը կազմում է 3200 ՀՀ դրամ։ Եթե դժվարություններ առաջանան, անձնակազմը կօգնի ձեզ ճիշտ ծառայություն ընտրել: Քանի որ տերմինալը մանրը հետ չի վերադարձնում, լավ կլինի ձեզ մոտ ճշգրիտ կանխիկ գումար ունենաք։ Բայց կա նաև մի լայֆհաք․ օրինակ, եթե ձեզ մոտ 5 000 դրամանոց թղթադրամ է, մնացած 1800 դրամը կարող եք փոխանցել հեռախոսահամարին:
6. Տուրքը վճարելուց հետո անդորրագրով վերադառնում եք աշխատակցի մոտ, այնտեղ ձեզ կտրամադրեն քաղվածք Անհատ Ձեռնարկատիրոջ գրանցման մասին հայերենով։ Պետք է ստուգել, որպեսզի դրանում փաստացի սխալներ և տառասխալներ չլինեն:
Շնորհավորում ենք։ Կարող եք նշել ձեր առաջին ձեռքբերումը հայաստանյան ձեռնարկատիրոջ հուզիչ ճանապարհին։
Իսկ հետո՞։ Ամեն ինչ կախված է գործունեության տեսակից. յուրաքանչյուրն ունի իր ուղին և առաջնահերթ խնդիրները:
Է՞լ ինչ է կարևոր անել
- Եթե դուք նախատեսում եք ինչ-որ բան վաճառել ֆիզիկական անձանց կանխիկ գումարով, կարևոր չէ՝ ուլունքավոր վզնոցներ, թե հոգեբանական խորհրդատվություն, պետք է դրամարկղային մեքենա ձեռք բերեք։
- Եթե ձեր ծառայությունների դիմաց վճարումը նախատեսում եք ստանալ բացառապես բանկային փոխանցումով, ապա կարող եք այդ փոխանցումները ստանալ իրավաբանական անձի հաշվեհամարին և ձեզ հարկավոր չի լինի դրամարկղային մեքենա ձեռք բերել։
- Սոցիալական համարը որպես անհատ ձեռնարկատեր գրանցվելու համար պարտադիր չէ, բայց հետո անպայման պետք կգա։ Օրինակ, երբ դուք բանկային հաշիվ կբացեք իրավաբանական անձի համար.
- Անհատ ձեռնարկատիրոջ գրանցումից հետո դուք կարող եք բանկում հաշիվ բացել իրավաբանական անձի համար:
- Իրավաբանական անձանց գործունեության տեսակները կարող եք ուսումնասիրել այստեղ՝ ՀՀ վիճակագրական կոմիտեի կայք, սակայն գործունեության տեսակների մասին տեղեկատվությունն այստեղ ներկայացված է միայն հայերենով։
Հոդվածը գրվել է Մոսկվայի պետական իրավաբանական ակադեմիայի իրավունքի մագիստրոս, մեր գործընկեր նախագծի գործող իրավաբան Լիլիթ Սահակյանի աջակցությամբ՝ Move2Armenia Business.
Եթե հարցեր ունեք Հայաստանում ԱՁ բացելու վերաբերյալ, գրեք մեր աջակցության թիմին՝ @move2armenia_official հասցեով.
Ավելացնել մեկնաբանություն