Վազգեն Սարգսյանի անվան Հանրապետական մարզադաշտ

Վազգեն Սարգսյանի անվան «Հանրապետական» մարզադաշտը նախկինում կոչվել է «Դինամո»։

1931 թվականին Դինամոյի մարզական համայնքը դիմեց Հայաստանի ժողովրդական կոմիսարների խորհրդին՝ մարզադաշտ կառուցելու խնդրանքով։ Ժողովրդական կոմիսարների խորհրդի որոշմամբ Երևանի քաղաքապետարանը 16 հա տարածք է հատկացրել Երևանի կենտրոնում մարզադաշտ կառուցելու համար։

Մարզադաշտի հիմնական շինարարական աշխատանքները սկսվել են 1933 թվականին։

1935 թվականին մարզադաշտը շահագործման է հանձնվել։ Առաջին ֆուտբոլային հանդիպումը «Դինամո» մարզադաշտում կայացել է 1935 թվականի հունիսին։ Մեկնարկային խաղում հանդիպեցին Երևանի «Սպարտակը» և Մոսկվայի «CDKA»-ն։

Մարզադաշտն առաջին անգամ վերակառուցվել է 1963 թվականին։

Մարզադաշտի ճարտարապետն է ԽՍՀՄ ժողովրդական ճարտարապետ Կորյուն Հակոբյանը։ Մարզադաշտի նախագծին մասնակցել է նաև ճարտարապետ Գ.Ճգնավորյանը։

Մարզադաշտի գլխավոր հատակագիծը մանրակրկիտ ուսումնասիրվել է՝ սկսած մարզադաշտի, շրջակայքի այգու փոխկապակցվածությունից ու կանաչապատման համակարգից։

Երկրորդ անգամ մարզադաշտը վերակառուցվել է 2000 թվականին։ Ունի մուտքի էլեկտրոնային համակարգ, VIP ամբիոն, տեսահսկման համակարգ, 10 սանհանգույց։

Հայաստանի հավաքականն իր առաջին հանդիպումն անցկացրել է Հանրապետական մարզադաշտում 2000թ.