Արզնի առողջարան

Արզնի հանգստավայրը գտնվում է Երևանից 23 կմ հյուսիս, ծովի մակարդակից 1250 մ բարձրության վրա, Հրազդան գետի կիրճում։

Ասում են՝ մի անգամ Արզնի են գալիս բուժվելու, մարդիկ վերադառնում են այստեղ՝ վայելելու Արզնիի օդը, ջուրն ու հացը...

Արզնիի կլիման մայրցամաքային է. մեղմ ձմեռներ (հունվարի միջին ջերմաստիճանը -5°C), զով, հաճելի ամառներ (հուլիսի միջին ջերմաստիճանը 22°C) և երկար, տաք աշուն։ Տարեկան արևոտ օրերի թիվը 2236 ժամ է։ Այս ցուցանիշով Արզնին գերազանցում է Կովկասի մյուս բոլոր հանգստավայրերին։

Արզնիի հիմնական բուժիչ գործոններն են ածխածնային-քլորիդային-հիդրոկարբոնատ-նատրիումային ջրերը, ինչպես նաև ցածր բարոմետրիկ ճնշմամբ լեռնային գոտու բնակլիմայական պայմանները։

Արզնիի հանքային ջրերը, որոնք պարունակում են մեծ քանակությամբ ածխաթթու գազ (1,25-2,0 գ/լ) և հանքային տարրեր (8-10 գ/լ), արդյունավետ բուժման հիմնական գործոնն են։