Ազատության հրապարակ

Երևանի Ազատության հրապարակը գտնվում է Ա.Սպենդիարյանի անվան օպերայի և բալետի ազգային ակադեմիական թատրոնի բակում։

Հրապարակը կառուցվել է Օպերայի և բալետի ազգային ակադեմիական թատրոնի հետ համատեղ, թատրոնին մոտ լինելու պատճառով կոչվել է «Թատերական հրապարակ», իսկ 1991 թվականից վերանվանվել է «Ազատության հրապարակ», Հանրապետության հրապարակի հետ մեկտեղ՝ Ազատության հրապարակը։ համարվում է Երևանի երկու գլխավոր կենտրոնական հրապարակներից մեկը։

Ալեքսանդր Սպենդիարյանի գերեզմանը գտնվում է հրապարակին հարող այգում։

1957 թվականին հրապարակում տեղադրվել են Հովհաննես Թումանյանի (քանդակագործներ Արա Սարգսյան և Ղուկաս Չուբարյան, ճարտարապետ՝ Գրիգոր Աղաբաբյան) և Ալեքսանդր Սպենդիարյանի (քանդակագործ Արա Սարգսյան, ճարտարապետ Գրիգոր Աղաբաբյան) բրոնզե և գրանիտե արձանները։ Հրապարակի արևելյան կողմում՝ Թումանյան-Տերյան փողոցների խաչմերուկում, 1960-ականների սկզբին կառուցվել է «Կարապի լիճ» արհեստական ջրամբարը, որը հիշեցնում է Սևանա լիճը։ 2003 թվականի հուլիսի 4-ին Կարապի լճի ափին գտնվող հրապարակի մոտ կանգնեցվել է կոմպոզիտոր Առնո Բաբաջանյանի հուշարձանը։