Արարատի թանգարան

Բացահայտեք մի հրաշալի աշխարհ, որտեղ պատմությունն ու արդիականությունը, ավանդույթն ու փորձը, բնական առատաձեռնությունն ու ստեղծագործական կիրքը միահյուսվում են:

ԱՐԱՐԱՏ թանգարանը պարզապես ուղղություն չէ, այն եզակի ճամփորդություն է, որի ընթացքում կարող եք բացահայտել Հայաստանի խորհրդանիշներից մեկը՝ լեգենդար հայկական ԱՐԱՐԱՏ կոնյակը:

Այցելությունը ԱՐԱՐԱՏ թանգարան խորասուզված փորձ է, որը բացահայտում է ԱՐԱՐԱՏ-ի դարավոր պատմությունը, խոհարարական հմտությունները և նոր կողմերը: Էքսկուրսիայի ընթացքում կարող եք այցելել Երևանի կոնյակի գործարանի եզակի վայրը, որտեղ տասնամյակներ շարունակ հասունանում են ԱՐԱՐԱՏ կոնյակի սպիրտները։ Էքսկուրսիան ավարտվում է համտեսով, որի ընթացքում ARARAT ապրանքանիշի դեսպանը կներկայացնի կոնյակ վայելելու ծեսի ողջ գեղեցկությունը և կօգնի ձեզ բացահայտել նրա օրգանոլեպտիկ հարստությունը։

Թանգարանն առաջարկում է էքսկուրսիաներ հայերեն, ռուսերեն, անգլերեն, ֆրանսերեն և գերմաներեն լեզուներով, ինչպես նաև հատուկ խանութ, որտեղ միշտ կարող եք գտնել հետաքրքիր և յուրահատուկ առաջարկներ։

ԱՐԱՐԱՏ թանգարանը գտնվում է Երևանի խորհրդանիշներից մեկի՝ Երևանի կոնյակի գործարանի գեղատեսիլ մոնումենտալ շենքում՝ Հրազդան գետի աջ ափին։

Հյուրընկալելով տասնյակ հազարավոր զբոսաշրջիկների ամբողջ աշխարհից՝ ԱՐԱՐԱՏ թանգարանն իրավամբ համարվում է Հայաստանի ամենասիրված այցելությունների վայրերից մեկը: Թանգարանի հյուրերի թվում էին ավելի քան 30 պետությունների ղեկավարներ, մշակութային գործիչներ, կարծիքի առաջնորդներ, այդ թվում՝ Ջորջ Քլունին, Ջոն Մալկովիչը, Շառլ Ազնավուրը և այլք։

2018 թվականից ԱՐԱՐԱՏ թանգարանը հանդիսանում է Թանգարանների միջազգային խորհրդի (ICOM) անդամ։