Հայաստանի Արարատ քաղաքը. երթուղին և տեսարժան վայրերը

Մենք սկսում ենք Հայաստանի քաղաքների մասին հոդվածաշար։ Պատմելու ենք հիմնական տեսարժան վայրերի, քաղաքների, դրանց առանձնահատկությունների և պատմության մասին։ Միշտ ուրախ ենք լրացնել մեր նյութերը ձեր տպավորություններով և առաջարկներով․ անպայման կիսվեք մեկնաբանություններում:

Արարատը գեղատեսիլ քաղաք է, որը գտնվում է Հայաստանի Արարատի մարզում, Երևանից ընդամենը 48 կմ դեպի հարավ-արևելք: Ինչպես կարելի է կռահել, քաղաքն իր անունը ստացել է համանուն, հայերի համար սուրբ Արարատ լեռան պատվին, որը գտնվում է քաղաքից 7 կիլոմետր հեռավորության վրա՝ Արարատյան դաշտում։ 

Բովանդակություն

1. Արարատ քաղաքի պատմությունը
2. Ինչպե՞ս հասնել քաղաք
3. Տեսարժան վայրեր

Արարատ քաղաքի պատմությունը

Այստեղ՝ Արարատյան դաշտում, պատմության տարբեր ժամանակահատվածներում Հայաստանի խոշոր բնակավայրեր են գտնվել։ 1935 թվականին այս բնակավայրը միացվել է Դավալու գյուղին, պատճառը՝ նոր ցեմենտի գործարանի աշխատակիցների համար մեծ թվով բնակարանների կառուցումն էր։ Իսկ 1939 թվականին ստացել է Արարատավան անվանմամբ աշխատանքային ավանի պաշտոնական կարգավիճակ։ 1962 թվականին Հայաստանի խորհրդային կառավարության որոշմամբ Արարատին տրվել է քաղաքի կարգավիճակ։

Արարատ քաղաքը հայտնի է իր ծանր արդյունաբերությամբ. երկար ժամանակ այստեղ գործել է ցեմենտի և ոսկու վերամշակման գործարան։ Այս արդյունաբերական հաստատությունները զգալի ազդեցություն են թողել տարածաշրջանի էկոլոգիայի վրա՝ բնապահպանների մտահոգությունը հարուցելով ցեմենտի փոշու և ցիանիդի արտանետումների պատճառով: Այս առումով քաղաքում տեղի են ունենում միջազգային բնապահպանական նախագծեր՝ ուղղված շրջակա միջավայրի պաշտպանությանն ու կայուն զարգացմանը: Ներկայումս Արարատը հանրապետական ենթակայության քաղաք է։

Ինչպե՞ս հասնել Արարատ

Արարատը կարևոր տրանսպորտային հանգույց է, քանի որ դրանով անցնող M-2 մայրուղին միացնում է Երևան Հայաստանի հարավային շրջաններին՝ հասնելով Իրանի հետ սահմանին։ Քաղաքն ունի նաև երկաթուղային կայարան, որտեղից գնացքները մեկնում են Երևան և Երասխ։ Երևանի կենտրոնից տաքսիով Արարատ մեկնելը կարժենա մոտավորապես 7000-9000 դրամ։ Արարատ կարող եք հասնել նաև ավտոբուսներով կամ միկրոավտոբուսներով, որոնք շարժվում են ավտոկայանից։ Եթե որոշել եք մեքենա վարձել, կարող եք օգտվել Move2Car.

Տեսարժան վայրեր

Չնայած բնապահպանական խնդիրներին, Արարատ քաղաքն ունի յուրահատուկ բնություն և հարուստ է մշակութային տեսարժան վայրերով։ Քաղաքի ճարտարապետական ժառանգության և տարածքի ուսումնասիրությունը մեծ հետաքրքրություն է ներկայացնում զբոսաշրջիկների համար:

Гора Арарат

Քաղաքի գլխավոր տեսարժան վայրը Արարատ լեռն է, որը ժամանակին գործող հրաբուխ է եղել։ Ըստ Աստվածաշնչի, հենց այստեղ է հանգրվանել Նոյը: Լեռը երկու գագաթ ունի՝ Մեծ և Փոքր Արարատները, որոնք Հայկական լեռնաշխարհի ամենաբարձր կետերն են։

Храм Хор Вирап

Փոքր Վեդի գյուղում է գտնվում ճարտարապետական հուշարձան և Հայաստանի խորհրդանիշներից մեկը հանդիսացող տաճարը՝ Խոր Վիրապ տաճարը։ Այն կառուցվել է թագավորական ստորգետնյա բանտի վրա, որտեղ քրիստոնեություն քարոզելու համար բանտարկված է եղել Սուրբ Գրիգոր Լուսավորիչը։

Хосровский лес

Քաղաքից ոչ հեռու գտնվում է Խոսրովի անտառ արգելոցը՝ մոտ 30 հազար հա ընդհանուր մակերեսով։ Արգելոցում կարելի է գտնել ավելի քան 1500 բուսատեսակներ, որոնցից շատերը աճում են միայն այս տարածաշրջանում և գրանցված են Կարմիր գրքում։

Հինավուրց Դվին քաղաք

Քաղաքի մասին առաջին հիշատակումը թվագրվում է մ.թ.ա 330 թվականով։ Այսօր հինավուրց Դվին քաղաքը դա բազմաթիվ կիսավեր կառույցներ են։ Տարածքում կատարված հնագիտական պեղումների շնորհիվ հայտնաբերվել են մեծաթիվ կենցաղային իրեր, բնակարանային և կենցաղային շինություններ։

Եթե պատրաստվում եք ուղևորվել դեպի Արարատ և հարցեր ունեք, գրեք մեր աջակցության թիմին @move2armenia_official հասցեովԿպատասխանեն ձեր բոլոր հարցերին։