«Դիզայներական երեխաներ. ինչպե՞ս ապրել մի աշխարհում, որտեղ տեխնոլոգիան մեր բարոյական բնազդներից արագ է զարգանում»․ Իլյա Կոլմանովսկու դասախոսությունը

Միջոցառման մասին

Գրեթե 50 տարի է անցել այն բանից հետո, երբ Նոբելյան մրցանակակիր Բոբ Էդվարդսը սովորեց «փորձանոթում երեխաներ» ատեղծել, այսինքն՝ արտամարմնային բեղմնավորում իրականացնել: Այս ընթացքում մարդկությունը բախվել է բոլորովին նոր էթիկական մարտահրավերների. մեր բարոյականությունը ինքնաբերաբար չի կարողանում պատասխանել այն հարցին, թե ինչ կարելի է և չի կարելի անել այս սաղմերի հետ, և ով ունի դրանց նկատմամբ ավելի շատ իրավունքներ՝ հայրը, մայրը, գիտնականները, թե պաշտոնյաները: Մինչ դատարանները զբաղված են դարերի խորքում հնացած օրենքներ փնտրելով, որոնք հնարավոր կլինի կիրառվել այս դեպքերում, մեր գործիքներն արագ տեմպերով զարգանում են: Մենք արդեն զբաղվում ենք սաղմերի ընտրությամբ, ձևափոխմամբ, և այս տարի առաջին անգամ ստեղծեցինք սինթետիկ սաղմ՝ արդեն բոլորովին անհասկանալի էթիկական կարգավիճակով։ Հետևաբար, մենք շտապ պետք է հանդիպենք և քննարկենք, թեկուզ իրար հետ, թե ինչ ենք մտածում այս ամենի մասին և ինչպիսին պետք է լինի ապագայի կատարյալ պետությունը, որում այս հարցերը կկարգավորվեն այնպես, որ մենք դա էթիկապես ընդունելի համարենք։